Police for Nigeria don comot to deny di tori wey dey fly up and down say terrorists plant explosives alias bombs for Abuja, di nation capital.

Di rumours wey don spread like fire on social media dey come at a time wen di United States and di United Kingdom Embassies issue terror alert for dia citizens.

Di alert don cause panic for many residents of di federal capital.

Di Nigerian goment however don play down di alert saying no need to fear.