Na Breel Embolo open scoring for Switzerland against Cameroon.

Afta a balanced first half for di Al Janoub Stadium di two teams change dia tactics for second half.

E no tey before Switzerland score. But dat goal no sweet di pesin wey score am.

Embolo no gree celebrate sake of say di gaol wey e score na against im native kontri, Cameroon.

Observers say di 25-year-old silence na in respect to in kontri of birth.

Cameroon and Switzerland play dia opening World Cup match on Thursday.

Dis na di first time di two kontris dey meet for competitive football.

Switzerland surprise many pipo by qualifying as leaders of dia group for di World Cup ahead of current European champions Italy.