Nigeria say all don set now to for di first set of Nigerians wey dem evacuate from Sudan to land Abuja, di kontri capital.

Di Airforce jet NAF C130 bin don dey on standby for Egypt for some days now while commercial airline AirPeace don land too.

Chairman of di Nigerians in Diaspora Commission, Nidcom Abike Dabiri-Erewa say Nigeria Embassy for Egypt don move all evacuees from di Sudan side to di Egypt side of di Arqeel border, and dem dey give priority to di females

She add say now dem dey prepare dem for dia departure to Abuja through Aswan Airport.