Libya Football Federation (LFF) don talk say dem no go accept any excuse from Nigeria Football Federation (NFF) to boycott di second leg of di Group D 2025 AFCON qualifier match against Super Eagles.
LFF talk dis one for dia X handle on Tuesday after Super Eagles players and officials commot from Libya after dem don dey stranded for over 16 hours for Al Abaq Airport, wey lead Nigeria to pull out from di match wey dem bin schedule to play today.
As dem share plenty photos of dia players wey dey train, LFF write, “Some may be used to putting up obstacles before the match, but here in the heart of Benghazi, specifically on the grounds of the Martyrs of Benina Stadium, there is no room for excuses after the starting whistle.”
Dem also talk say, “Photos from our national team’s training at the Martyrs of Benina International Stadium, in preparation for the match against Nigeria on Tuesday evening, as part of the fourth round of the Africa Cup of Nations qualifiers.”
Make we remember say LFF don condemn Nigeria decision to withdraw from di 2025 AFCON qualifier wey dem bin plan to play for Libya, and dem don threaten say dem go take legal action to protect dia national team interest.
For dia statement wey The Libya Observer carry, LFF accuse Nigeria Football Federation of no cooperate well to organize di match and say na di NFF cause di confusion wey lead to di matter.
Di statement talk say, “The Libyan Football Federation condemns the measures taken by the Nigerian Football Federation by refusing to play the Libya-Nigeria match in the African Cup of Nations qualifiers scheduled for Tuesday, October 15, stressing that it will take all legal measures to preserve the interests of the Libyan national football team.”
LFF also mention say di things wey happen no reach wetin Libyan team face for di first leg, as dem accuse NFF say na dem handle di first and return leg matter anyhow.
Dem talk say, “The Libyan Federation attaches some inhumane footage that did not prevent the Libyan mission from playing the Nigeria-Libya match last Friday in Nigeria, out of cooperation with the Confederation of African Football.”
LFF still clarify say di Nigerian Football Federation no cooperate with dem at all, whether for di first leg or di second leg match. Dem add say di wahala wey dem no fit control no even reach wetin di Libyan national team face for di first leg match.
