Nigeria Football Federation (NFF) don announce say 47-year-old Éric Sékou Chelle go be di new head coach of Super Eagles.

For statement wey dem release on Tuesday, NFF talk say, “The Executive Committee of the Nigeria Football Federation has endorsed the recommendation of its Technical and Development Sub-Committee for the appointment of Mr. Éric Sékou Chelle as Head Coach of Nigeria’s senior men national football team, Super Eagles.”

Dis decision na after one meeting wey dem do for January 2, where NFF Technical and Development Sub-Committee recommend Chelle as di new coach. Di NFF Executive Committee come gree for di recommendation on January 7. Di statement still add say, “Chelle’s selection was recommended by the NFF’s technical and development sub-committee on January 2 and subsequently endorsed by the federation’s executive committee just hours before the official announcement.”

Chelle bin dey coach Mali national team before, and he carry dem reach di quarter-finals for di African Cup of Nations (AFCON) wey dem play for Côte d’Ivoire. Him first big work as Super Eagles coach go be di qualifiers match wey dey come for March against Rwanda and Zimbabwe. Right now, Nigeria dey fifth for Group C and never win any match after four games.