Low turnout of civil servants for State secretariat as work resume today

December 28, 2022

Plenty civil servants no too turn up for the state Secretariat today even as the two days public holidays wey Federal Government declare don end.

Our Tori person Allwell Ene wey touch leg for the State secretariat tok say at about 10.30am only few workers wey him see within the secretariat with other small number of pipo wey just dey stroll in.

One worker wey no want us to mention him name tok say  most of the workers don travel go their hometown and dem fit no return till after the New Year celebration.

Meanwhile banks, courts and other organisations don resume business.