Manchester United knack Everton 4-0 for Old Trafford on Sunday, but dia sweet victory get as e be as Bruno Fernandes pick up injury before di midweek clash wit Arsenal.

Di Portuguese playmaker shine well-well for di match, give two assists wey help Marcus Rashford and Joshua Zirkzee score brace each, wey make Ruben Amorim collect im first Premier League win as United manager.

Di win move United go 9th for table and dey show better sign for Amorim time as manager. But kasala burst as Fernandes commot late for di match, dey limp with ice pack for im ankle afta dem sub am for Alejandro Garnacho.

Di injury don make fans dey fear say e fit miss Wednesday match against Arsenal for North London. If e no play, na di second time e go miss match since e join United from Sporting CP for January 2020. Di guy sabi play steady, as e don make 252 appearances in less than five years.

United hope say Fernandes go recover quick-quick to continue di better work wey Amorim don start as di team dey show beta progress.