Di deadi body of di late Ghanaian footballer wey die for de Turkiye earthquake, Christian Atsu don arrive in Ghana wia dem go bury am.

Dem bin see di player deadi body under di rubble on Saturday morning.

Atsu body arrive at 7:25 pm local time on Sunday onboard a Turkish airliner.

Family members, govment and Ghana FA officials, receive am.

Dem go later transport di to one military hospital morgue for di capital of Accra.

Atsu na former Black Stars footballer wey don play for football clubs like FC Porto, Chelsea, Newcastle, Everton den Bournemouth.

Di 31-year-old footballer bin take short break from Ghana National team to focus on building im career at club level.

Dem born am on 10 January 1992 and e start im career for Porto, where e later spend one season on loan for Rio Ave.